Fréttir

ÁRAMÓTAPARTY MJÖLNIS 2016 verður haldið í nýju Mjölnishöllinni (gamla Keiluhöllin, Rúbin). Þetta verður risa áramótaparty þar sem ÖLLUM er boðið, ekki bara Mjölnisfólki. Húsið opnar 00:30 og þeir sem mæta fyrsta hálftíman fá FRÍAN bjór eða FRÍTT staup við innkomum. Já það eiga allir að hella sig snældu fulla! DJ YOUNG NAZARETE mun spila og lofar sturluðu stuði. Það kostar litlar 1500 kr. inn og rennur ÁGÓÐI kvöldsins beint í framkvæmdir á nýju Mjölnishöllinni sem hefjast eldsnemma á næsta ári. Hlökkum til að sjá þig! ...já Gunnar Nelson verður í partyinu ;) 20 ára aldurstakmark.

Athugið brettan opnunartíma yfir jól og áramót.

Mjölnismenn og - konur stóðu sig glæsilega á Íslandsmeistaramóti í Brasilísku Jiu Jitsu sem fór fram síðastliðin laugardag.

LOKAÐ verður í Mjölni í dag, 7. desember, eftir hádegisæfingar.

Allir tímar falla niður á laugardaginn.

Um helgina var haldið upp á 10 ára afmæli Mjölnis og urðu enn ein tímamótin í sögu félagsins þegar Jón Viðar Arnþórsson, tilkynnti um flutning félagsins í Öskjuhlíðina, n.t.t. í fyrrum húsnæði Keiluhallarinnar. Afmælisdagsskráin hófst upp í Öskjuhlíð þar sem um 200 manns létu sjá sig og hlýddu á kynningu Jóns Viðars á framtíðarstarf Mjölnis. Auðvitað var boðið upp á afmælisköku en hún var bökuð af Mjölnismanninum Hilmir Hjálmarsson hjá Sveinsbakarí. Einnig voru í boði ljúffengar veitingar, en þær voru í boði vina okkar á Vegamótum. Í kynningunni var m.a. frumsýnt nýtt kynningarmyndband, húsnæðisskipulagið kynnt, nýtt gráðunarkerfi, breytingar á barnastarfinu, nýtingu Öskjuhlíðarinnar til útiæfinga og helsti samverustaður Mjölnismanna, Drukkstofa Óðins, kynnt til sögunnar. Þetta verður allt kynnt á Mjölnisfaceinu í vikunni. Að þessu loknu var haldið upp í Egilshöll þar sem frumsýndur var þáttur Auðuns Blöndal um Gunnar Nelson sem tekinn var upp í Las Vegas fyrir bardagann á móti Brandon Thatch. Um kvöldið var svo haldið Mjölnispartý eins og þau gerast best. Sturla Atlas mætti á svæðið og kom liðinu í gírinn og DJ Young Nazareth sá svo um að halda partýinu gangandi fram á nótt. Fyrir þá sem þekkja þá eru partýin okkar engu lík.

28. Nóvember verður 10 ára afmæli Mjölnis haldið hátíðlegt.

Íslendingar og Mjölnir eignuðust tvo Evrópumeistara í MMA í dag þegar fyrsta Evrópumóti Alþjóða MMA Samtakanna (IMMAF) lauk en mótið hefur staðið síðustu fjóra daga í Birmingham í Englandi.

Átta liðsmenn keppnisliðs Mjölnis halda til Birmingham á Englandi til að taka þátt á Evrópumeistaramóti áhugamanna í MMA. Mótið fer fram dagana 19. til 22.nóvember og er um að ræða útsláttarfyrirkomulag. Evrópumótið er opið MMA áhugamönnum frá löndum sem eiga aðild að IMMAF samtökunum. Mest geta verið 32 keppendur í hverjum þyngdarflokki fyrir sig sem telur frá fluguvigt ( 56.7kg ) upp í súperþungavigt ( +120.2kg ) í karlaflokki og strávigt ( 52.1kg ) upp í fjaðurvigt ( 65.8kg ) í kvennaflokki.

Í tilefni 10 ára afmælis Mjölnis mun Orkan styrkja Mjölni um 5 kr. af hverjum seldum lítra út nóvember.