ÖLL GULLVERÐLAUN TIL MJÖLNIS Á GRETTISMÓTINU 2019

GRETTISMÓTIÐ2019

Grettismótið fór fram í sjöunda sinn um helgina. Mjölnir vann alla flokka mótsins og stóð okkar fólk sig frábærlega.

Keppt var í brasilísku jiu-jitsu í galla en keppt var í fimm þyngdarflokkum karla og tveimur þyngdarflokkum kvenna auk opinna flokka.

Þau Kristján Helgi Hafliðason og Margrét Ýr Sigurjónsdóttir voru sigurvegarar dagsins en þau tóku bæði sína flokka (Kristján -90 kg flokk og Margrét -74 kg flokk) og opnu flokkana. Bæði unnu þau allar glímurnar sínar á uppgjafartökum og það án þess að fá eitt stig skorað á sig. Frábær árangur hjá þeim. 

Mjölnir vann alla flokka mótsins og tók 22 verðlaun af 27 mögulegum. Öll úrslit dagsins má sjá á vef MMA Frétta hér.