Flýtilyklar
NÝ REGLUGERÐ Á MIÐNÆTTI VEGNA COVID
Ný reglugerð heilbrigðisráðuneytisins um hertar innanlandsaðgerðir vegna mikillar fjölgunar covid smita tekur gildi á miðnætti.
Heilbrigðistyfirvöld hafa ákveðið að herða sóttvarnaaðgerðir til að sporna við hraðri útbreiðslu Covid-19 og taka nýju aðgerðirnar gildi á miðnætti. Almennar fjöldatakmarkanir verða þá 50 manns en með notkun hraðprófa verður heimilt að efna til viðburða með að hámarki 500 manns í sóttvarnahólfi. Þá verður hámarksfjöldi gesta á sund- og baðstöðum, líkamsræktarstöðvum og skíðasvæðum 75% af heimiluðum hámarksfjölda samkvæmt starfsleyfi. Börn fædd 2016 og síðar teljast ekki með í fjöldatakmörkunum. Skylt er að nota grímu sé ekki hægt að virða 1 metra reglu en börn fædd 2006 og síðar eru undanþegin grímuskyldu. Nýja reglugerðin gildir til og með 8. desember.
Líkt og áður eru íþróttaæfinga og keppnir með og án snertingar leyfðar. Við hvetjum iðkendur okkar til að kynna sér reglugerðina sem er hér að neðan sem og reglur Mjölnis um sóttvarnir. Meðan að ástandið er svona hvetjum við til að farið sé eftir þeirri reglu á æfingum að skipt sé í pör eða litla hópa og einungis æft innan hvers hóps til að lágmarka nálægð og samgang. Jafnframt eiga allir að hafa sinn æfingabúnað (galli, boxhanskar eða annar hefðbundinn íþróttafatnaður) og drykkjarbrúsa og að óheimilt er að deila búnaði með öðrum. Þá minnum við alla á að sótthreinsa allan æfingabúnað bæði fyrir og eftir notkun. Einnig hvetjum við þá iðkendur sem geta að fara í sturtu heima hjá sér til að lágmarka umferð um búningsklefana eins og hægt er meðan verið er að ná niður tíðni smita í samfélaginu.
Mjölnir MMA
