GLÁMSKVÖLD MJÖLNIS í DRUKKSTOFUNNI 29. OKTÓBER

Glámskvöld 2016

Þann 29. október munum við halda okkar útgáfu af Halloween með því að hafa Glámskvöld. Fyrr um daginn er Grettismótið en það er opið mót í uppgjafarglímu þar sem keppt er í galla (gi). Það er því vel við hæfi að hafa smá party um kvöldið og kalla það Glámskvöld enda glímdi Grettir sterki við drauginn Glám í Grettissögu. Þar sem þetta er á sama tíma og Halloween þá ætlum við að klæða okkur upp í búninga og skemmta okkur langt fram á nótt. 

Það verða veitt vegleg verðlaun fyrir flottasta búninginn, þ.e.a.s. 6 fríir mánuðir í Mjölni og kr. 20.000.- gjafabréf í Óðinsbúð. 

Skemmtunin verður haldin í Drukkstofunni í nýja húsnæðinu okkar í Öskjuhlíð og opnar húsið kl. 21:00.

Ekki gleyma að melda þig á viðburðinn!