FIMM BARDAGAMENN ÚR MJÖLNI KEPPA Á ENGLANDI UM HELGINA

Venet Banushi vs Wez Tully

Fimm bardagamenn frá Mjölni keppa í MMA á Golden Ticket 20 bardagakvöldinu í Wolverhampton á Englandi núna á laugardaginn, 3. september. Allir keppa þeir á áhugamannaflokki eða Amateur.

• Venet Banushi mætir Wes Tully í léttivigt. Þetta verður í fjórða sinn sem Venet keppir í MMA en allir hans bardagar hafa verið á Golden Ticket keppnum og allir unnist. Þetta verður hins vegar áttundi bardagi Wez Tully sem er með fimm sigra á ferlinum.
  
  
• Julius Bernsdorf mætir Tyler Adams í léttþungavigt. Þetta verður annar bardagi Juliusar en sá sjötti hjá Tyler Adams.
  
  
• Aron Franz mætir Scott Wells í fjaðurvigt. Þetta verður fimmti bardagi Arons en sjöundi bardagi Scott Wells.  
  
  
• Viktor Gunnarsson mætir Michael Jones í bantamvigt. Þetta verður þriðji bardagi Viktors á ferlinum en fjórði hjá Michael Jones.
  
  
• Björgvin Snær mætir Kenny Le í léttivigt en þetta er frumraun Björgvins Snæs í MMA. Þetta verður hins vegar þriðji bardagi Kenny Le sem hefur unnið báða sína bardaga hingað til.

Eins og áður segir fara bardagarnir fram á Englandi á laugardaginn og hægt er að kaupa beint streymi á keppnina á Live MMA.