AXEL KRISTINSSON ÍSLANDSMEISTARI Í JÚDÓ

Axel Íslandsmeistari í júdó

Okkar maður Axel Kristinsson gerði sér lítið fyrir og varð Íslandsmeistari í júdó um helgina en þetta er sjötti Íslandsmeistaratitill Axels. Axel er eins og menn þekkja einn af yfirþjálfurunum í Mjölni en hann keppti í -60kg flokki á Íslandsmeistaramótinu. Alls glímdi hann fjórar glímur á mótinu og sigraði þær allar með yfirburðum, fyrstu þrjár á uppgjafartaki og svo úrslitaglímuna á ippon með Uchimata kasti eins og sjá má að myndinni hér til hliðar. Glæsilegur árangur en nokkur ár eru síðan Axel hætti að mestu að æfa júdó og snéri sér alfarið að BJJ í Mjölni.