BJJ

Brasilískt jiu-jitsu (BJJ) er bardagaíþrótt þar sem mesta áhersla er lögð á glímu í gólfinu. Markmiðið er að ná yfirburðarstöðu gagnvart andstæðingnum og fá hann til að gefast upp með lás, hengingu eða einhvers konar taki. Íþróttin var hönnuð til að gera veikbyggðari einstaklingum kleift að yfirbuga stærri og sterkari andstæðinga og byggist því að mestu leyti á vogarafli og tækni umfram styrk.

Til þess að sækja almennar æfingar í BJJ í Mjölni þarf fyrst að ljúka BJJ 101 sem er sex vikna grunnnámskeið.



Einkunnakerfi í brasilísku jiu-jitsu byggist á lituðum beltum sem standa fyrir mismunandi getustig í íþróttinni. Belti hjá fullorðnum eru eftirfarandi: Hvítt, blátt, fjólublátt, brúnt og svart. Eftir því sem iðkendur verða betri fá þeir strípur á beltið sitt og þegar 4 strípur eru komnar er oft stutt í næsta belti.



Mjölnir býður upp á fjölbreyttar BJJ æfingar í Gi (Galla) og Nogi (Án galla) fyrir öll getustig.