Box

Mjölnir býður upp á Boxtíma fyrir öll getustig undir handleiðslu reyndra þjálfara!

Box 101 er skemmtilegt grunnnámskeið í ólympískum hnefaleikum þar sem kafað er djúpt í tækni og líkamsbeitingu við iðkun hnefaleika. Farið er yfir öll helstu högg, varnartilbrigði og fótaburð ásamt því að læra vel á það hvernig unnið er með fókuspúða og boxpúða. Námskeiðið er þrepaskipt þar sem hvert kennsluatriði leiðir að öðru og fá iðkendur að æfa sig vel á tækninni sem kennd er bæði í pörum og með einstaklingsæfingum.

Box 201 eru framhaldstímar í ólympískum hnefaleikum þar sem kafað er dýpra í tækniatriði íþróttarinnar. Krafist er þess að iðkendur hafi klárað grunnnámskeið í hnefaleikum eða hafi sambærilegan grunn þar sem tæknin er flóknari og byggir á grunnatriðum.

Box unglinga eru tímar fyrir 12-17 ára unglinga þar sem er farið yfir öll helstu grunnatriði í hnefaleikum: Vörn, fótaburð og hvernig á að kýla rétt. Mikið er lagt upp úr öryggi iðkenda í kennslu hnefaleika. Á unglinganámskeiðum er sérstaklega kennt út frá hinu svokallaða Diploma kerfi en þar er einungis dæmt út frá tæknilegri kunnáttu og bannað að kýla fast til að tryggja öryggi ungra iðkenda.