Bensi er kominn heim!
17. ágúst 2023
Benedikt Karlsson (Bensi) er tekinn við sem íþróttastjóri Mjölnis. Hann tekur við af Böðvari Tandra og Gyðu Erlingsdóttur sem hafa sinnt stöðu íþróttastjóra Mjölnis undanfarin ár. Auk þess að vera íþróttastjóri mun Bensi þjálfa og prógramma Víkingaþreks- og Crossfit tímana Í Mjölni 💪
Bensi byrjaði fyrst í Mjölni aðeins 14 ára gamall ásamt tvíburabróðir sínum, Halldóri. Þeir sóttu fyrst MMA unglinganámskeið en færðu sig yfir í Víkingaþrekið og fundu sína fjöl þar. Tvíburarnir voru tvívegis hluti af sigurliðinu í þrekmótaröðinni sem Mjölnir Kidz og tóku silfur í paramóti Mjölnis, Heljarþrautinni, nú í sumar. Auk þess á Bensi sjálfur tvenn silfur frá Víkingaleikunum.
Bensi hefur þjálfað Crossfit og þrektíma í 6 ár og kemur hingað frá World Class þar sem hann sá um að prógramma og þjálfa WorldFit tímana. Hann mun sjá um áframhaldandi uppbyggingu á Crossfittinu og Víkingaþrekinu hér með alla sína reynslu úr þjálfun og halda utan um þrekmótin okkar🏆
Bensi á 7 mánaða gamla dóttur og er með BS í viðskiptafræði. Þá er hann einn af stjórnendum hlaðvarpsins Sterakastið.Þrekáhugi Bensa hófst hér og má því með sanni segja að hann sé kominn heim.
Við bjóðum Bensa velkominn í Mjölni og hefur hann þjálfun hér strax í næstu viku👏
Nýjustu fréttir
Sjá meira ->
