Mjölnir 20 ára – nýjungar og uppfærð gjaldskrá.

Ágæti iðkandi í Mjölni,

Undanfarin tvö ár hafa verið mjög viðburðarík í Mjölni. Við höfum hlustað á óskir ykkar, fjölgað tímum, bætt námskeiðaframboð, endurnýjað búnað og unnið markvisst að því að gera aðstöðuna enn betri. Árangurinn sést – bæði í ánægju og fjölgun iðkenda en líka í sterkari rekstri félagsins. Í ár fagnar Mjölnir 20 ára afmæli.

Á þessu afmælisári eru jákvæðar breytingar og nýjungar á döfinni, en þær verða kynntar betur þegar nær dregur:

• Námskeið í sjálfsvörn og varnartökum (ISR), bæði fyrir almenna iðkendur, fyrirtæki, samtök, stofnanir og lokaða hópa.
  
  
  

• Nýir opnir tímar með takmörkuðum plássum og áherslu á einstaklingsmiðaða þjálfun (semi-private)
  
  
  

• Nýir tímar fyrir 60 ára og eldri
  
  
  

• Nýr boxhringur
  
  
  

• Frekari endurbætur á æfingasölum og áframhaldandi endurnýjun á búnaði
  
  
  

• Bætt þjónusta fyrir iðkendur
  
  
  

Mjölnir leggur áherslu á sterkt samfélag þar sem iðkendur hafa aðgang að fjölbreyttu úrvali tíma með bestu þjálfurum landsins – sem eru jafnframt margir af fremstu íþróttamönnum þjóðarinnar í sínum greinum.

Fyrir 18 mánuðum síðan hækkuðu iðgjöld í Mjölni í fyrsta sinn eftir mörg ár, að meðaltali um 13%. Yfir þetta tímabil hafði verðlag hækkað um meira en 40%. Síðan þá hefur launavísitala hækkað um 9% og almennt verðlag um 6%.

Við viljum halda áfram að gera betur og til að skapa forsendur fyrir áframhaldandi framförum og endurbótum á þjónustu og aðstöðu er nauðsynlegt að gjaldskrá Mjölnis hækki í takt við almennt verðlag. Ný gjaldskrá tekur gildi 1. október 2025 en hækkanir eru eins hóflegar og mögulegt er.

Við hlökkum til að sjá ykkur áfram og taka næstu skref með ykkur.

Lifi Mjölnisandinn!
Starfsfólk Mjölnis