Flýtilyklar
MJÖLNIR OPEN 18 - ÚRSLIT
20. apríl, 2024
Opinn flokkur karla verðlaunahafar
Stærsta uppgjafarglímumót Íslands, Mjölnir Open, var haldið í dag hjá Mjölni í Öskjuhlíðinni en þetta er í 18. sinn sem mótið er haldið. Alls voru rúmlega níutíu keppendur skráðir til leiks frá átta félögum víðs vegar um landið. Keppt var í 10 þyngdarflokkum, 6 hjá körlum og 4 hjá konum.
Í opnum flokki kvenna sigraði Anna Soffía Víkingsdóttir, í öðru sæti var Angie Pétursdóttir og í þriðja sæti Kolfinna Þöll Þórðardóttir.
Í opnum flokki karla sigarði Logi Geirsson, í öðru sæti var Stefán Fannar Hallgrímsson og í því þriðja Breki Harðarson.
Logi Geirsson vann allt sem hægt var að vinna á mótinu en auk þess að sigra opna flokkinn, sigraði hann einn sinn þyngdarflokk (-99kg) og hlaut auk þess verðlaun fyrir uppgjafartak mótsins.
Öll úrslit má finna á slóðinni: https://smoothcomp.com/en/event/16297/results
Mjölnir var sigurvegari félaga á mótinu með alls 6 gullverðlaun, 9 silfurverðlaun og 7 bronsverðlaun. Önnu félög sem unnu til verðlauna voru VBC með 2 gull og 1 silfur, RVK MMA með 1 gull og 2 brons og Berserkir BJJ með 1 gull.
Mjölnir MMA
