Opna Sleipnis mótið í uppgjafarglímu (submission wrestling) verður haldið í íþróttahúsi Akurskóla, Reykjanesbæ laugardaginn 2. júní n.k.Húsið opnar kl 10. Keppni byrjar kl 11.
Keppendur senda skráningu á helgiflex@gmail.com og skráningin þarf að innhalda:
Fullt nafn
Aldur
Belti í bjj, judo og eða reynsla í öðrum bardagaíþróttum
Félag sem viðkomandi æfir í
Þyngd (vikmörk eru 2 kg)
Keppnisgjald er 2500 kr og leggst inn á reikning 0121-26-016802 og kennitalan er 6802110430
Einnig er hægt að greiða við vigtun
Skráningar er til mánudagsins 28. maí kl. 23:59
Aldurstakmark er 16 ára.
Keppendafjöldi er takmarkaður við 100 keppendur
Uppbókað er á sjálfsvarnarnámskeið fyrir konur sem hefst í Mjölni í kvöld. Annað námskeið verður auglýst fljótlega. Skráning á grunnnámskeið Mjölnis sem hefjast í júní er í fullum gangi, sjá frétt hér að neðan.
Haraldur Dean Nelson (Halli Nelson) hefur verið ráðinn framkvæmdastjóri Mjölnis. Hann ætti að vera flestum eða öllum Mjölnismönnum að góðu kunnur en Halli er einn af stofnendum Mjölnis og faðir Gunnars Nelson yfirþjálfara klúbbsins. Hann er einnig umboðsmaður Gunnars, Árna Ísakssonar og Dean Lister heimsmeistara í uppgjafarglímu. Halli er jafnframt formaður BJJ Sambands Íslands og hefur lengst af setið í stjórn Mjölnis og ávallt tekið mikinn þátt í rekstri Mjölnis og unnið að framgangi bæði BJJ og MMA á Íslandi.
Undanfarið ár hefur Halli einbeitt sér að umboðsmennsku fyrir bardagaíþróttamenn en þar áður starfaði hann í 12 ár sem upplýsinga- og ritstjóri Samtaka iðnaðarins og forstöðumaður Samtaka upplýsingatæknifyrirtækja. Fyrir þann tíma starfaði hann til fjölda ára sem kennari og þar á undan sem lögreglumaður.
Haraldur Dean Nelson mun starfa við hlið Jóns Viðars Arnþórssonar starfandi formanns Mjölnis.
Hið sívinsæla sjálfsvarnarnámskeið fyrir konur verður haldið í næstu viku, nánar tiltekið þriðjudaginn 15. maí og fimmtudaginn 17. maí (Uppstigningardag), frá kl. 21:00-23:00 báða dagana.
Kennarar eru Jón Viðar og Auður Olga. Í myndbandinu hér að neðan má sjá umfjöllun Stöðvar 2 um námskeiðið frá 2010. Námskeiðið verður að sjálfsögðu haldið í Mjölniskastalanum að Seljavegi 2.
Grunnnámskeið Mjölnis hefjast á morgun og á þriðjudaginn!
Mjölnir 101: (8 vikur) Hefst mánudaginn 7. maí. Námskeiðið er mánudaga, miðvikudaga kl. 20:00 og föstudaga kl. 19:00. Verð 19.900 kr.
Box 101: (8 vikur) Hefst mánudaginn 7. maí. Námskeiðið er mánudaga, miðivikudaga og föstudaga kl. 19:00-20:00. Verð er 19.900.
Víkingaþrek 101: (4 vikur) Hefst þriðjudaginn 8. maí. Námskeiðið er þriðjudaga, fimmtudaga kl.19:00-19:40 og laugardaga kl. 11:30-12:10. Verð er 13.900.
Lokað verður í Mjölni nk. þriðjudag, þ.e. á Verklýðsdaginn 1. maí, enda lögbundinn frídagur. Kennsla hefst aftur samkvæmt stundaskrá daginn eftir, miðvikudaginn 2. maí.
Á laugardaginn verður opið sparr fyrir alla sem vilja í Mjölni og iðkendum frá öllum félögum er fjárlst að mæta. Þetta er kjörið tækifæri fyrir byrjendur og lengra komna, til að spreyta sig í hringnum. Athugið að þetta er undir stjórn þjálfara og dómari verður í hringnum, þannig að ef þú ert byrjandi og vilt prófa stemmninguna, þá er þetta fyrir þig. Ef þú ert kominn lengra og vilt sjá hvað “hinir” eru að gera, láttu þá sjá þig. Ekki þarf að skrá sig sérstaklega, bara mæta og allir fá að taka þátt. Við byrjum kl 17:00 í Mjölniskastalanum að Seljavegi og verðum fram eftir degi. Hlökkum til að sjá sem flesta. Hnefaleikafélag Reykjavíkur og Mjölnir.
Næsta laugardag ætla Mjölnismenn & konur að skella sér í sund og fá steik í eftirrétt!
Planið er að hittast í Laugardalslauginni kl. 17:00, nánar tiltekið hjá rennibrautinni. Eftir að við höfum tekið nokkrar Mjölnisrennur þá mun Brynja stjórna glæsilegri sundskemmtun og svo verður haldið í gömlu góðu pottana.
Eftir sundið er planið að hittast kl. 19:00 á Vegamótum, en þar mun Mjölnir hafa efri hæðina út af fyrir sig. Við fáum súper díl á tvöfaldri steik og tvöfaldri brownie. En það verður nóg annað í boði fyrir þá sem vilja eitthvað annað.
Eina sem þið þurfið að gera til þess að vera með er að senda póst á jonvidar@mjolnir.is (taka þarf sérsaklega fram ef þið viljið steikardílinn)
