Yfir hundrað manns mættu á Mjölnir 101 í kvöld. Stemmningin á æfingunni var gífurlega góð og á eftir voru allir rennblautir af svita og með bros út að eyrum. Hér má sjá myndir frá æfingunni.

Aukatímum hefur verið bætt við strax á eftir tímunum á mánudögum, miðvikudögum og föstudögum (sjá stundatöflu).

Næsta Mjölnir 101 námskeið hefst 1. nóvember. Skráning er þegar hafin í gegnum mjolnir@mjolnir.is.

Byrjendatímar barna og unglinga hefjast á morgun, fimmtudag.

Lokað hefur verið fyrir skráningu á Mjölnir 101 sem hefst á morgun kl 20:00 (báða tímana). Þeir sem hafa skráð sig á námskeiðið í gegnum tölvupóst er bent á að ganga frá greiðslu æfingagjalda á morgun.

Skráning er hafin fyrir næsta námskeið sem hefst mánudaginn 1. nóvember. Tryggið ykkur sæti sem fyrst!

Mjölnir kynningarvideo 7 from Mjolnir MMA on Vimeo.

Nýtt kynningarvideo, klippt saman af Jóni Viðari.

(Gunnar á æfingu að undirbúa sig fyrir viðureignina)

Gunnar Nelson sigraði Danny Mitchell í fyrstu lotu. Eftir að hafa tekið Danny niður og látið rigna yfir hann höggum tókst Gunnari að smella á hann rear naked choke og Danny átti ekki annara kosta völ en að gefast upp fyrir íslenska undrinu þegar 2 mínútur og 51 sekúnda voru liðnar af fyrstu lotunni. Það er óhætt að segja að þessi sigur færir Gunnar enn hærra á styrkleikalistanum en fyrir viðureignina höfðu erlendir veðbankar talið Danny sigurstranglegri.

Mikil skráning hefur verið á Mjölnir 101 og hafa ófáir nú þegar tryggt sér sæti með því að ganga frá greiðslu. Stjórn Mjölnis hefur ákveðið að koma til móts við þennan mikla áhuga með því að bjóða upp á viðbótar tíma, þ.e. að keyra tvö 101 námskeið í einu. Seinna námskeiðið verður því mjög líklega á dagskrá strax á eftir því fyrra, eða klukkan 21 á mánudögum og miðvikudögum, og klukkan 20 á föstudögum. Nákvæmari dagskrá verður auglýst síðar.

Eftir sem áður biðjum við alla sem ætla á Mjölnir 101 að mæta í fyrsta tímann miðvikudaginn 1. september kl 20 (það verður enginn tími kl 21 þann daginn).
 
 
 
 
 
 

Ísland í dag tók viðtal við Axel Kristinsson í gær og fjallaði m.a. um baráttu hans við krabbamein og hvernig honum gengur að æfa í dag eftir að hafa gengist undir árángursríka meðferð. Viðtalið við Axel má nálgast hér.

Í dag var tekið viðtal við Gunnar Nelson og fjallað um viðureign hans við Danny Mitchell sem fer fram í Englandi núna á morgun. Viðtalið við Gunna má nálgast hér.

Um helgina  fóru fram æfingabúðir í húsakynnum Mjölnis. Þar var glímt bæði í og án gi í um átta klukkustundir í heildina. Siðasta klukkustundin var þó tekin frá fyrir “iron man” þolraun. Þar glímdu þeir Þráinn Kolbeinsson og Þorvaldur Blöndal við hvern ferskan andstæðinginn á fætur öðrum þar til þeim var sýnd miskunn og þeir verðlaunaðir með nýju belti. Þráinn fékk fjólublátt og Þorvaldur blátt. Við óskum þessum kempum til hamingju með árangurinn.

Í Fréttablaðinu í dag er viðtal við Axel Kristinsson, aðalþjálfara barnastarfs Mjölnis. Í viðtalinu ræðir Axel um árangur sinn í bardagaíþróttum, starfið í Mjölni og baráttu sína við krabbamein. Hægt er að nálgast eintak af blaðinu á netinu með því að smella hér. Axel er bæði á forsíðu blaðsins og í heilsíðu grein á bls. 26.
 
 
 
 
 
 
 
 
 
 
 
 

Allar upplýsingar um stundaskránna og æfingagjöldin eru komnar upp. Sjá hér.

Eins og þið getið séð hefur heimasíðan verið tekin í gegn. Við búumst við að þurfa að fikta aðeins í henni á næstu dögum, bæta við því sem vantar og bregðast við ábendingum frá ykkur. Endilega sendið póst á mjolnir@mjolnir.is ef þið rekið augun í villur á síðunni.

Spjallið hefur dottið niður á meðan við vorum að setja nýju síðuna í gang en verður vonandi komið aftur upp í enda dags.

kv, Stjórnin.