Keppendur úr mjölni sigursælastir á íslandsmeistaramótinu

Kristján Helgi gerði sér lítið fyrir og vann bæði sinn þyngdarflokk (-100kg) og opinn flokk karla, þar sem Stefán Fanna varð í öðru sæti og Logi Geirsson í þriðja sæti. Þeir Stefán Fannar (-83kg) og Logi (-91kg) unnu einnig sína þyngdarflokka á efsta stigi (brún og svört belti). Vert er að hafa í huga að þeir Stefán Fannar og Logi Geirsson eru báðir aðeins á 19. aldursári.

Þá vakti mikla athygli að Logi Geirsson gerði sér lítið fyrir og sigraði Bjarka Þór Pálsson, yfirþjálfara RVK MMA, í tvígang á mótinu, meðal annars með uppgjafartaki. Logi sýndi því og sannaði að tvöfaldur sigur hans á Mjölnir Open í apríl sl. var engin tilviljun.

Auk þessa unnu þeir Mikael Aclipen (-76kg) og Halldór Logi Valsson (+100kg) sína flokka á efsta stigi. Það má því með sanni segja að keppendur úr Mjölni hafi tekið öll stærstu verðlaun mótsins í karlaflokkunum.

Á miðstiginu (blá og fjólublá belti) sigruðu Mjölnismennirnir Haukur Birgir (-65kg), Alfreð Steinmar (-70kg) og Hrói Trausti (-91kg) sína flokka.

Í hvítbeltaflokki unnu Mjölnismennirnir Daníel Freyr (-65kg), Jónas Hákon (-70kg), Mikael Sveinsson (-76kg), Hlynur Freysson (-83kg) og Theodor Solvi (-100kg) allir sína sína flokki.

Í kvennaflokki vann Guðný Eva Eiríksdóttir til gullverðlauna í hvítbeltaflokki (-60kg)

Öll úrslit á mótinu má finna á vefslóðinni hér að neðan:

https://bji.smoothcomp.com/en/event/17079/results

Um helgina fór einnig fram Íslandsmeistaramót barna- og unglinga þar sem keppendur frá Mjölni unnu einnig til flestra verðlauna, eða 14 gullverðlauna, 22 silfur og 12 bronsverðlauna. Öll úrslitin á ungmennamótinu er að finna á vefslóðinni hér að neðan:

https://bji.smoothcomp.com/en/event/17146/results