Bakgarðshlaupið um helgina - Iðkendur í Mjölni gangi inn um dyrnar í portinu

Á laugardaginn 9. maí og yfir helgina verður Bakgarðshlaupið 2026 haldið í Mjölni líkt og undanfarin 5 ár. Og líkt og undanfarin ár þá verður anddyrið í Mjölni, Útgarður (Skuld) og bílaplanið meira og minna undirlagt. Þess vegna biðjum við þá iðkendur, sem ætlið að mæta á æfingar um helgina, að koma saman í bílnum ef hægt er (best að koma bíllaus) og leggja í næsta nágrenni (t.d. við Valsvöllinn þar sem eru næg bílastæði).

Jafnframt biðjum við iðkendur Mjölnis að fara inn í gymmið í gegnum Víkingaþreks innganginn (dyrnar í portinu hægra megin við aðalinnganginn innst) þar sem anddyrið verður ansi þéttsetið af peppuðu hlaupa fólki.

Keppnin hefst kl. 09:00 á laugardaginn og klárast þegar að seinasti hlaupari gefst upp. Víkingaþrek X laugardagstíminn færist út í góða veðrið. Ef að hlaupið dregst fram á mánudag þá mun einnig VX hádegis tíminn færast út eða í gryfjuna.

Munið svo að skrá ykkur á árshátíðina og paraþraut Mjölnis 23. maí!🔥