Halldór logi nýr bjj þjálfari í mjölni

Hinn valinkunni norðanmaður Halldór Logi Valsson er fluttur í suðrið og hefur hafið æfingar og þjálfun í Mjölni. Halldór Logi er einn afkastamesti glímumaður landsins og hefur ferðast mikið og keppt á síðustu árum. Hann er m.a. Íslandsmeistari í sínum flokki 2016 og 2015, bæði í gi og nogi, og hefur jafnframt unnið til fjölda annarra verðlauna bæði hér heima og erlendis. Halldór Logi hefur þjálfað Fenrismenn á Akureyri síðustu fimm árin og mun í Mjölni þjálfa í barna- og unglingastarfi félagsins sem og koma að almennri BJJ þjálfun. Hér fyrir neðan má sjá nokkur af helstu afrekum Halldórs Loga í keppnum á síðustu árum en ef nógu er að taka. Við bjóðum Halldór Loga velkominn til starfa í Mjölni.