Gunnar nelson með naumt tap í kaupmannahöfn

Gunnar mætti Brasilíumanninum Gilbert Burns í þriðja síðasta bardaga kvöldsins. Upphaflega átti Gunnar að mæta öðrum Brasilíumanni, Thiago Alves, en sá þurfti að draga sig úr bardaganum. Burns er þrefaldur heimsmeistari í jiu-jitsu og var vitað að hann yrði erfiðari andstæðingur en Alves.

Gunnar fékk frábærar móttökur í höllinni líkt og alltaf þegar hann gengur til leiks. Bardaginn var afar jafn en Gunnar lenti góðum höggum og endaði ofan á í gólfinu eftir fellutilraun frá Burns í 1. lotu. Gunnar vann fyrstu lotuna en Burns tók seinni tvær loturnar með fellu í sitt hvorri lotunni. Fella frá Burns þegar 40 sekúndur voru eftir tryggði Burns sigur að mati dómaranna.

Gunnar hefur nú tapað tveimur bardögum í röð og er með bardagaskorið 17-5.