Góður sigur sunnu í nótt

Sunna tók völdin í búrinu strax í byrjun og pressaði á Ashley. Þetta kom þeirri bandarísku greinilega úr nokkru jafnvægi þó hún reyndi að svara með spörkum og villtum snúnings-bakhandarhöggum (spinning backfist). Það hafði þó lítil áhrif á Sunnu sem stjórnaði bardaganum að mestu og sigraði fyrstu lotuna nokkuð augljóslega þó þetta hafi verið jafnasta lota bardagans.

Þegar tæp mínúta var liðin af annarri lotu náði Sunna fellu á Ashley og tók bakið á henni. Sunna stýrði bardaganum í gólfinu mesta lotuna og var nokkrum sinnum nálægt því að ná RNC á andstæðingi sínum ásamt því að lenda mörgum góðum höggum. Þegar um 50 sekúndur voru eftir af lotunni gerði sú bandaríska vel að snúa sig út úr erfiðum aðstæðum og komast á fætur. Það breytti þó ekki því að þar pressaði Sunna áfram og var kominn með andstæðing sinn upp við búrið þegar lotunni lauk.

Þriðja lota var nokkuð jafnari en önnur lota en þó stýrði Sunna áfram bardaganum og var á lenda höggum án mikilla svara frá Ashley. Þegar rúmar þrjár mínútur voru eftir af bardaganum náði Sunna aftur fellu og þó sú bandaríska gerði aftur vel að komast upp þá pressaði Sunna hana áfram og lenti fleiri höggum. Undir lok lotunar reyndi Ashley örvætingafulla fellu sem Sunna varðist vel, tók aftur stjórnina í gólfinu og endaði lotuna í yfirburðastöðu. Öruggur sigur okkar konu á sterkum og reyndari andstæðingi og við óskum henni innilega til hamingju.

Myndir frá bardaganum má finna áFacebooksíðu Mjölnis.