V6 – nýir semi-private tímar

V6 eru nýir tímar í Mjölni þar sem aðeins sex þátttakendur eru í hverjum tíma. Með færri í hópnum getur þjálfarinn veitt þér meiri athygli, lagað tæknina þína og aðlagað æfingarnar að þínum markmiðum.

Mánudagar – með Úlfhildi

Úlfhildur er fimmfaldur Íslandsmeistari í ólympískum lyftingum og var ein af fremstu lyftingakonum landsins. Hún hefur unnið til verðlauna á Norðurlanda- og Evrópumótum, var sænskur meistari árið 2021 og Norðurlandameistari sama ár. Úlfhildur var einnig í 9. sæti á heimslista árið 2021 og varð sama ár yngsta íslenska konan til að jafnhenda(C&J) 100 kg. Hún er með CrossFit Level 1 þjálfararéttindi og Level 2 í ólympískum lyftingum, með reynslu frá CrossFit Starkare í Svíþjóð og CrossFit Reykjavík. Í kennslu leggur hún áherslu á tæknilega sterkar og öruggar hreyfingar sem hentar öllum getustigum.

Miðvikudagar – með Elíasi

Elías hefur starfað sem þjálfari hjá Mjölni frá árinu 2022 og kennt fjölbreytta tíma, þar á meðal styrktar-, þrek-, CrossFit- og ólympískar lyftingar. Hann hefur reynslu af bæði hóp- og einkatímum, með fókus á gæði hreyfinga, styrk og framfarir á öruggan hátt. Elías hefur góða þekkingu á helstu hreyfiferlum og leggur áherslu á að aðlaga æfingar að mismunandi getustigum. Hann nálgast þjálfun á skipulagðan og gagnadrifinn hátt, byggt á bakgrunni sínum í fjármálum og greiningarvinnu, og sækir reglulega námskeið tengd styrktar- og þrekþjálfun til að þróast áfram sem þjálfari.

Markmið hans með V6 tímunum er að skapa stuðningsríkt og markvisst umhverfi þar sem hver þátttakandi fær einstaklingsmiðaða þjálfun.