Úrslit ÍM í uppgjafarglímu - Mjölnir með 25 gull

Íslandsmeistaramótið í uppgjafarglímu eða No-gi (án galla) fór fram laugardaginn 24. maí síðastliðinn. Alls mættu 219 keppendur til leiks úr 8 félögum víðs vegar af landinu og er skemmst frá því að segja að keppendur okkar úr Mjölni stóðu sig gríðarlega vel en Mjölnir hlaut langflest verðlaun og stig á mótinu. Alls unnu keppendur frá Mjölni til 25 gullverðlauna, 16 silfurverðlauna og 15 bronsverðlauna og hlaut Mjölnir 288 stig eða 15 stigum fleira en öll hin liðin til samans.

Hjá fullorðnum var bæði keppt í þyngdarflokkum og þremur styrkleika flokkum, þ.e. hvítt belti, blátt belti og svo fjólublátt og ofar, en þess má geta að keppendur úr Mjölni unnu öll gullverðlaun í karlaflokki í þyngstu styrkleikaflokkunum. Raunar unnu keppendur úr Mjölni öll verðlaun í efsta styrkleikaflokki karla í -70kg og -91kg þyngdarflokkunum.

Stefán Fannar var án efa sigurvegari mótsins en hann sigraði bæði sinn þyngdarflokk (-83kg) sem og opinn flokk karla.

Öll nánari úrslit má finna á Smoothcomp síðu keppninnar.

Ljósmynd Bjarni Baldursson