Sunna sigraði í kansas

Okkar kona Sunna Rannveig sigraði í gær sinn annan atvinnubardaga á ferlinum á Invicta FC 22 bardagakvöldinu í Kansas. Sunna hafði þá betur gegn hinni bandarísku Mallory Martin í afar jafnri og skemmtilegri viðureign en bardagi þeirra var valinn bardagi kvöldsins.Sunna vann fyrsta atvinnubardaga sinn í Invicta í september þegar hún sigraði Ashley Greenway eftir dómaraákvörðun í bardaga þar sem hún hafði talverða yfirburði. Bardaginn gegn Mallory í nótt var mun jafnari. Sunna vann fyrstu lotuna nokkuð örugglega og náði m.a. að vanka andstæðing sinn eftir góða fléttu. Mallory kom þó mun sterkari til leiks í annari lotu og þá snérist dæmið við þegar hún náði góðu höggum á Sunnu og olli henni nokkrum vandræðum. Jafnframt fékk Sunna fékk smá skurð fyrir ofan vinstra augað og á þessum tímapunkti var farið að hægjast á nokkuð Sunnu á meðan sú bandaríska virtist vera að sækja í sig veðrið. Sunna svaraði þó vel fyrir sig einnig og lotan var jafnari en sú fyrsta.Það var því allt undir fyrir þriðju og síðustu lotuna en þar kom Sunna gríðarlega sterk til baka og endaði á að sigra lotuna. Sunna sigraði eftir einróma dómaraákvörðun en tveir dómaranna gáfu henni tvær lotur en einn dómaranna gaf Sunnu allar þrjár loturnar. Sunna er því 2-0 sem atvinnumaður og getur vel við unað eftir frábæra frammistöðu í afar jöfnum og erfiðum bardaga.