Ör-yoganámskeið 12.september

Í tilefni af hausti, nýrri stundaskrá og nýjum Mjölnisyogatímum ætlum við að halda aftur ör-grunnnámskeið í yoga, laugardaginn 12. september kl. 11.00 - 13.00. Þetta er stutt námskeið þar sem farið verður yfir nokkrar grunnstöður í yoga og  verður tíminn nýttur vel. Byrjað verður á því að útskýra Ujjayi öndun en það er öndunartækni sem er notuð er í gegnum yogaæfingarnar. Þetta er frábær tækni sem er meðal annars nýtt til að tengja sama öndun og hreyfingu. Svo verður farið ítarlega í Surya Namaskar eða sólarhyllingar yoga með sérstaka áherslu á Chaturanga armbeygjur og bakfettur en allir yogatímar Mjölnis eru byggðir á þeim. Hundurinn (Adho Mukha Svanasana) fær líka verðskuldaða athygli. Svo verður farið í algeng mistök, hvernig hægt er að koma í veg fyrir meiðsli sem og útfæra æfingar eftir eigin getu, hvort sem það er að fara dýpra eða styttra, nota stuðningsáhöld osfrv. Þetta námskeið er eitthvað sem allir græða á, byrjendur sem og lengra komnir.