Október Fréttabréf Mjölnis

Október Fréttabréf Mjölnis

Haustið er komið á fullt í Mjölni og margt spennandi á döfinni👇

💥 V6 hefst í kvöld, 13. október!

V6 eru nýir tímar í Mjölni þar sem aðeins 6 þátttakendur eru í hverjum tíma. Með færri í hópnum getur þjálfarinn veitt þér meiri athygli, lagað tæknina þína og aðlagað æfingarnar að þínum markmiðum.

Æfingarnar eru blanda af styrk og þreki.

Hentar vel fyrir nýja iðkendur, fólk sem er að koma til baka úr meiðslum og þau sem vilja æfa í minni hóp.

Tímarnir eru opnir öllum með áskrift. Þú bókar pláss eins og í öðrum tímum í appinu.

⚔️ MjölnirFit verður Víkingaþrek X

MjölnirFit heitir nú Víkingaþrek X.

Allt annað helst eins og áður - aðeins nafnið breytist.

Ástæðan er einföld: við viljum hafa allt þrek undir sama hatti og gera iðkendum sem ljúka Víkingaþrek101 kleift að taka þátt í öllum þrektímum í Mjölni.

🥊 Nýr Boxhringur

Eins og mörg ykkar hafa tekið eftir er nýr boxhringur kominn upp í Þórssal! - hann verður klár og tilbúinn til notkunnar í vikunni!

💪 Kreatín komið í sölu í búðinni!

Við erum komin með hreint kreatín frá Hreysti í afgreiðsluna! Kreatín er eitt mest rannsakaða og öruggasta fæðubótarefnið sem til er, og hefur sýnt fram á frábær áhrif á styrk, endurheimt og frammistöðu.

Þetta er hreint kreatín monóhýdrat, án bragðefna. Hver framleiðslulota er prófuð fyrir ólöglegum efnum til að tryggja hámarksöryggi og gæði.

Ráðlagður dagskammtur er 5 g á dag.

Fæst í tveimur stærðum: 300g og 1kg.

🛡️ Mót 18. október

Laugardaginn 18. október verða tvenn mót, Víkingaleikarnir (þrekmót) og Grettismótið (BJJ-mót), haldin í Mjölni. Við hvetjum alla til að keppa eða mæta og styðja keppendur 💥

Vinningar frá Hreysti, Flatey, Neo og Skor fyrir sigurvegara!

🎥 Max Holloway í Mjölni

Max Holloway, einn þekktasti MMA-keppandi heims, mætir í Mjölni í þessari viku með tökuliði og fleira íþróttafólki. Max er fyrrum handhafi UFC beltisins í fjaðurvigt og er í dag rankaður nr. 3 í heimi í léttivigt innan UFC. Vegna þessa gæti Víkingaþrekstíminn kl. 11:30 föstudaginn 17. október færst í Þórssal - allt annað helst óbreytt.