Ný önn barna- og unglingastarfs

Ný önn barna- og unglingastarfs Mjölnis hefst 4. og 5. september næstkomandi. Þrír aldurshópar eru í boði, eða 5-8 ára, 8-13 ára og 13-17 ára.5-8 ára hópurinnæfir þrisvar í viku, mánudaga, miðvikudaga og föstudaga frá 16:30-17:15. Tekið er við byrjendum hvenær sem er yfir önnina, en byrjendum og lengra komnum er skipt upp í hópa þar sem sér þjálfari kennir byrjendum ýmsar grundvallaræfingar. Fyrstu vikurnar æfa byrjendur almennt án þess að mikill hasagangur sé svo að þeir venjist æfingum, þjálfurum og samnemendum. Lögð er áhersla á gólfglímu (BJJ), standandi glímu (judo/wrestling) og sparkbox (kickbox). Þessi aldurshópur æfir þó án þess að læra lása eða hengingar og í kickboxi æfa þau einungis grunnhreyfingar og án þess að “sparra” (slá í hvort annað).Búnaður sem þarf: Galli. Byrjendur þurfa þó einungis að mæta í stuttbuxum og bol fyrstu mánuðina.8-13 ára hópurinnæfir þrisvar í viku, þriðjudaga og fimmtudaga frá 16:30-17:15 og föstudaga frá 17:15-18:00. Tekið er við byrjendum hvenær sem er yfir önnina, en byrjendum og lengra komnum er skipt upp í hópa þar sem sér þjálfari kennir byrjendum ýmsar grundvallarhreyfingar fyrstu vikurnar og lítið er um hasar þann tíma. Lögð er áhersla á gólfglímu (BJJ), standandi glímu (judo/wrestling) og sparkboxi (kickbox). Þessi aldurshópur lærir hengingar og lása en lögð er mikil áhersla á öryggi og fræðslu við kennslu. Í kickboxi er mjög takmörkuð snerting og fá þau ekki að “sparra full contact” þ.e. að slá í hvort annað í búnaði.Búnaður sem þarf: Galli. Byrjendur þurfa þó einungis að mæta í stuttbuxum og bol fyrstu mánuðina.13-17 ára hópurinnæfir 5 sinnum í viku, mánudaga-fimmtudaga frá 17:15-18:00 og föstudaga frá 18:00-19:00. Tekið er við byrjendum í byrjun september og byrjun nóvember. Byrjendur eru teknir til hliðar af sér þjálfara fyrstu 2 mánuðina þar sem farið er í grundvallaratriði í gólfglímu (BJJ), standandi glímu (judo/wrestling) og kickboxi. Þessi aldurshópur lærir hengingar og lása og þau fá að æfa með “semi-contact” í kickboxi undir handleiðslu þjálfara þar sem lögð er áhersla á að þau slái ekki fast í höfuð andstæðings.Búnaður sem þarf: Galli, gómur, þykkir hanskar, legghlífar, þunnir hanskar (MMA-sparr hanskar). Byrjendur þurfa þó einungis að mæta í stuttbuxum og bol fyrstu mánuðina.