Mjölnir og háskólinn í reykjavík í samstarf

Mjölnir og Háskólinn í Reykjavík hafa gert með sér tveggja ára samstarfssamning sem snýr að rannsóknum á líkamlegri getu, hreyfifærni og sálfræðilegum þáttum hjá keppnisfólki í félaginu. Mjölnir er fyrsta íþróttafélag landsins til að gera samning af þessu tagi við háskólann en félagið mun m.a. veita meistaranema við HR í íþróttavísindum og þjálfun styrk meðan á rannsókninni stendur.Haraldur Dean Nelson framkvæmdastjóri Mjölnis segir félagið mjög stolt af samstarfinu við Háskólann í Reykjavík og vonast til að þetta verði aðeins fyrstu skrefin að mörgum í samstarfi Mjölnis við háskólann. \"Við stóðum m.a. nýlega fyrir afar vel sóttum almennum fræðslufundi um heila­hrist­ing í íþrótt­um, viðbrögð og mögu­leg­ar af­leiðing­ar og vorum fyrsta íþróttafélagið til að gera slíkt. Við höfum einnig fengið sérfræðinga til að fjalla um lyfjamál og fleira við okkar afreksfólk. Markmiðið er að standa reglulega að fræðslufundum í samstarfi við fagaðila um hin ýmsu málefni sem snúa að íþróttum og þjálfun og þetta samstarf styrkir okkur í Mjölni í því að taka eins faglega á málum og okkur er unnt.Hafrún Kristjánsdóttir sviðstjóri íþróttafræðisviðs Háskólans í Reykjavík tekur undir orða Haraldar. \"Við í HR erum mjög ánægð með þennan samning við nágranna okkar í Mjölni. Við hlökkum til að hjálpa keppnisliði Mjölnis að ná enn lengra með því tengja íþróttavísindi á enn öflugri hátt við þjálfun keppnisliðsins en áður hefur verið gert.  Þessi samningur lýsir vel metnaði Mjölnis að standa faglega að allri þjálfun afreksmanna,\" segir Hafrún.