Hr/mjölnir með 4 gull og valinn besti klúbburinn á legacy cup
29. október 2019
Hnefaleikafélag Reykjavíkur/Mjölnir var með 10 keppendur á Legacy Cup í Noregi um helgina. Hópurinn tók fjögur gull og var valinn besti klúbburinn á mótinu.
Hópurinn samanstóð af eftirtöldum keppendum:
Heba María Ægisdóttir (-54 kg flokkur)Elmar Gauti Halldórsson (-81 kg flokkur)Kristín Sif Björgvinsdóttir (-75 kg flokkur)Alexander Puchkov (-69 kg flokkur)Alanas Noreika (-69 kg flokkur)Hilmir Örn Ólafsson (-69 kg flokkur)Sindri Snorrason (-64 kg flokkur)Hulda Dís Snorradóttir (-64 kg flokkur)Simone Brown (-81 kg flokkur)Þorgrímur Emilsson (+91 kg flokkur)
HR/Mjölnir var með flesta keppendur á mótinu. 224 þátttakendur voru á mótinu í heildina frá 40 klúbbum og níu þjóðum.
Elmar Gauti Halldórsson tók gull í -81 kg flokki, Alanas Noreika tók gull í -69 kg flokki en hann fékk einnig verðlaun sem besti junior boxari mótsins. Sindri Snorrason tók gull í -64 kg flokki og Heba María Ægisdóttir tók gull í -57 kg flokki. Heba átti upphaflega að keppa í -54 kg flokki en hennar keppandi mætti ekki og fór hún því upp um flokk og sigraði.
Frábær árangur hjá okkar fólki en klúbburinn fékk einnig verðlaun fyrir að vera besti klúbbur mótsins.
Á laugardaginn fer síðan Iceland Open Health and Fitness Expo fram í Laugardalshöllinni þar sem 12 áhugamannabardagar í boxi fara fram.
Nýjustu fréttir
Sjá meira ->
