Henning og ragna unnu víkingaleikana
15. september 2014
Fjöldi áhorfenda mætti á Víkinaleika Mjölnis sem haldnir voru í Mjölniskastalanum í gær. Sigurvegarar eftir gríðarlega harða keppni urðu þau Henning Jónasson & Ragna Hjartardóttir. Þetta var í þriðja sinn sem leikarnir eru haldnir en á leikunum keppa hraustustu menn og konur Mjölnis í hinum ýmsu Víkingaþreksþrautum.
Alls voru 26 þátttakendur skráðir til leiks og var keppnin í undanúrslitum hnífjöfn. Þeir þrír keppendur sem voru með bestu tímana í hvorum flokki (karla- og kvennaflokkur) fóru áfram í úrslitin. Benedikt Karlsson (5:08), Henning Jónasson (5:15) og Halldór Karlsson (5:21) voru með þrjá bestu tímana í karlaflokki í undanúrslitunum. Í kvennaflokki voru þær Ragna Hjartardóttir (6:20), Katrín Ólafsdóttir (6:21) og Heiða Hrönn Karlsdóttir (6:41) með þrjá bestu tímana.
Úrslitaþrautin var gríðarlega spennandi. Eftir spretti, ground and pound og fleiri skemmtilegar þrautir þurftu keppendur að éta svo kallaða hákarlamysusúpu að hætti Jóns Viðars. Keppni í kvennaflokki var hnífjöfn þar sem Ragna fór með sigur af hólmi en Heiða Hrönn var aðeins nokkrum sekúndum á eftir henni. Keppni í karlaflokki var sömuleiðis spennandi en Henning náði ágætis forskoti á bræðurna þegar lyfta átti 80 kg síldartunnu. Henning sigraði Víkingaleikana 2014 en þess má geta hann sigraði einnig leikana árið 2012 og lenti í öðru sæti í fyrra.
Sigurvegararnir fengur vegleg verðlaun. Frítt að æfa í eitt ár í Mjölni, gjafabréf í Óðinsbúð f. 15.000. Gjafabréf á Kol, gjafabréf á Gló, sokka frá Jaco, nuddbolta frá Sportvörum, súkkulaði frá Omnmnomm, gjafabréf á Hamborgarabúluna og óvissuferð frá Sushi Samba.
Sætin í úrslitum urðu sem hér segir:
Karlaflokkur:1. sæti: Henning Jónasson2. sæti: Benedikt Karlsson3. sæti: Halldór Karlsson
Kvennaflokkur:1. sæti: Ragna Hjartardóttir2. sæti: Heiða Hrönn Karlsdóttir3. sæti: Katrín Ólafsdóttir
Nýjustu fréttir
Sjá meira ->
