Frumvarp á alþingi um bardagaíþróttir
11. apríl 2023
Síðastliðinn föstudag var lagt frumvarp á Alþingi til að heimila skipulagðar keppnir í bardagaíþróttum gegn leyfisveitingu frá hinu opinbera. Berglind Ósk Guðmundsdóttir, þingmaður Sjálfstæðisflokksins, lagði frumvarpið en hún kom í heimsókn til okkar á dögunum.
Leyfisveiting á skipulögðum keppnum í MMA (og öðrum bardagaíþróttum sem fela í sér höfuðhögg) er nauðsynleg til að gæta fyllsta öryggis iðkenda. Slíkt leyfi á MMA keppnum hér á landi væri gríðarleg lyftistöng fyrir íþróttina hér á landi. Okkar fremsta bardagaíþróttafólk gæti því loksins keppt hér á Íslandi í stað þess að vera stöðugt að ferðast erlendis til þess eins að keppa í sinni íþrótt.
Það er enn langur vegur framundan í að þetta verði samþykkt en boltinn er kominn á góða hreyfingu!Frumvarpið má lesa hér:https://www.althingi.is/altext/153/s/1515.html
Nýjustu fréttir
Sjá meira ->
