Nýr crossfit salur í mjölni
13. desember 2021
Núna seinni partinn í desember og jafnvel eitthvað fram í janúar kunna iðkendur okkar að verða fyrir smávægilegu ónæði sökum framkvæmda á Drukkstofunni. Stefnan er að breyta henni í Crossfit sal þar sem við hyggjumst auka við framboð félagsins á þrekæfingum og þrekþjálfun.
Vegna þessa gætu iðkendur okkar eins og áður segir orðið fyrir einhverju minniháttar ónæði meðan á framkvæmdum stendur, t.d. gæti verið að gámur yrði staðsettur fyrir utan Drukkstofuna einhverja daga meðan hreinsað verður út. En allt er þetta gert í okkar allra þágu og því vonum við og vitum reyndar að þið sýnið þessu skilning.
Biðjumst velvirðingar á þessum óþægindum en hlökkum til að geta boðið ykkur upp á fjölbreyttari þrektíma.
Nýjustu fréttir
Sjá meira ->
