Diego í aðalbardaganum á fightstar
16. maí 2019
Okkar maður, Diego Björn Valencia, verður í aðalbardaga kvöldsins á á Fightstar bardagakvöldinu á Englandi um helgina. Andstæðingur hans verður Luke Trainer sem er 1-0 sem atvinnumaður en hann er fyrrum þungavigtar- og léttþungavigtarmeistari áhugamanna hjá Fightstar bardagasamtökunum.
Diego er 3-2 sem atvinnumaður en hann barðist síðast í apríl 2018. Hann keppir öllu jöfnu í millivigt en færði sig upp í léttþungavigt fyrir þennan bardaga til að mæta Luke Trainer.
Tveir aðrir Íslendingar berjast á sama kvöldi sem áhugamenn á undircardinu. Dagmar Hrund (2-1) mætir Manuela Marconetto (0-1) í 125 punda fluguvigt í áhugamannabardaga og Haraldur Arnarson (1-0) mætir Simeon Powell (2-1) í millivigt einnig í áhugamannabardaga.
Bjarki Eyþórsson (1-0) átti einnig að keppa á þessu kvöldi en alls féllu fjórir andstæðingar hans úr keppni og hann fær því ekki bardaga eins og vonast var eftir.
Nýjustu fréttir
Sjá meira ->
