Craig jones og lachan giles með æfingabúðir í mjölni
14. ágúst 2023
Craig Jones og Lachan Giles eru um þessar mundir með BJJ æfingabúðir í Mjölni. Ástralarnir eru hér með viku æfingabúðir sem hófust í dag, mánudag, og klárast á föstudaginn.
Jones og Giles eru meðal bestu glímumanna heims í dag í BJJ senunni. Þeir hafa báðir unnið til verðlauna á stærstu glímumótum heims á borð við ADCC, IBJJF World Championships, Polaris, EBI, NAGA World Championship, Kasai og UAEJJF Abu Dhabi Pro.
Hátt í 70 erlendir gestir koma sérstaklega hingað til lands fyrir æfingabúðirnar. Jones og Giles eru hátt skrifaðir þjálfarar og mikil eftirspurn eftir þjálfun hjá þeim. Jones er meðal annars aðal BJJ þjálfari Alexander Volkanovski, fjaðurvigtarmeistara UFC.
Jones var lengi vel hluti af liði John Danaher en stofnaði sitt eigið lið í Texas, The B-Team, árið 2021. Giles er með sitt eigið lið í Ástralíu, Absolute MMA.
Æfingabúðirnar eru aðeins opnar þeim sem hafa keypt miða í gegnum Jones og Giles.
Nýjustu fréttir
Sjá meira ->
