Breyting lægstu mánaðargjalda í mjölni

Stjórn Mjölnis hefur ákveðið að hækka föst mánaðargjöld þeirra sem lægstu gjöldin greiða í Mjölni þannig að lágmarks mánaðargreiðsla miðist við kr. 10.500. Þetta á þó ekki við í einstökum tilfellum þar sem um er að ræða sérkjör hjá félaginu.Krónutala lægstu gjalda hefur haldist óbreytt í tæpan áratug á meðan verðlag og vísitala hefur hækkað verulega, ásamt því að Mjölnir býður nú uppá mun meiri og fjölbreyttari þjónustu, kennslu, búnað og aðstöðu. Mjölnir hefur ávallt litið á þetta sem aðferð til að veita dyggustu og trúustu iðkendum okkar sanngjarnan afslátt og umbun fyrir hollustuna og það verður gert áfram. Bilið á milli hæstu og lægstu gjalda verður þó sennilega prósentubundið en nýjar hugmyndir um slíkt eru í vinnslu og verða kynntar síðar á árinu.Nýja gjaldið tekur gildi um næstu mánaðarmót, þ.e. um næstu mánaðarmót verður greitt samkvæmt því. Þessi hækkun hefur engin áhrif á þá sem þegar eru að greiða kr. 10.500 eða meira í mánaðargreiðslur.