Björn lúkas með silfur á hm áhugamanna í mma

Eins og fram kemur var Björn búinn að sigra fjóra andstæðinga fyrir úrslitabardagann en andstæðingar hans höfðu verið frá Spáni, Írlandi, Nýja-Sjálandi og Ástralíu. Hann kláraði þrjá þeirra með armlás (armbar) og einn með tæknilegu rothöggi (TKO).Í úrslitabardaganum byrjaði Svíinn á að taka Björn Lúkas niður en Björn fór strax að sækja í uppgjafartök, sérstaklega armlásinn. Hann var ekki langt frá því strax á fyrstu mínútu bardagans og virtist vera hársbreidd frá því að klára en Svíinn var seigur og náði á síðustu stundu að snúa sig út úr lásnum. Bardaginn fór að mestu leyti fram í gólfinu og í standandi glímu. Björn reyndi og reyndi ítrekað að sækja í lása en alltaf varðist Laallam vel. Hrólfur Ólafsson og John Kavanagh voru í horninu hjá Birni og heyrðist hátt í Hrólfi reyna að hvetja Björn Lúkas áfram.Svo fór að hinn sænski Khaled Laallam sigraði eftir dómaraákvörðun en Björn Lúkas getur þó borið höfuðið hátt eftir magnaða frammistöðu á mótinu. Alls voru 29 bardagamenn í millivigtarflokknum og tekur Björn silfrið heim aðeins 22 ára og reynslunni ríkari. Hann er núna 6-1 á ferli sínum sem áhugamaður og líklegt að hann fari fljótlega í atvinnumennsku.

Við óskum Birni Lúkasi innilega til hamingju með árangurinn.