Bjj globetrotters hér í næstu viku

Við vekjum athygli á því að í næstu viku, 13.-18. júlí, verða hér erlendir gestir frá BJJ Globetrotters sem komið hafa árlega á þessum tíma undanfarin ár. Í fyrra voru hér um 200 þáttakendur en þeir verða þó mun færri í ár, sennilega í kringum 70, þar sem engir koma frá Bandaríkjunum og öðrum löndum þar sem Covid hætta er mikil. Við höfum verið í sambandi við Almannavarnir út af þessu en allir þessir gestir verða auðvitað skimaðir við komuna til landsins og mega ekki mæta í Mjölni fyrr en niðurstöður þeirra skimunar liggja fyrir. Jafnframt verða þessir gestir hitamældir daglega af okkur sem auka öryggisráðstöfun. Stundatafla í BJJ raskast vegna þessa en BJJ iðkendum okkar er velkomið að sækja tímana sem BJJ Globetrotters bjóða uppá. Nánari upplýsingar um þetta eru ávef BJJ Globetrotters.