Mjölnir býður upp á BOX tíma fyrir ungmenni á aldrinum 12-17 ára. Á unglinganámskeiðum er sérstaklega kennt út frá hinu svokallaða Diploma kerfi en þar er einungis dæmt út frá tæknilegri kunnáttu og bannað að kýla fast til að tryggja öryggi ungra iðkenda.

Fyrstu vikurnar æfa byrjendur saman þar sem farið er ítarlega í grunntækni undir leiðsögn þjálfara. Hægt og rólega blandast byrjendur með þeim sem lengra eru komnir.

Námskeið hefjast alltaf þrisvar á ári; í janúar, júní og september.

BOX 101 unglingar

Í BOX 101 unglinga er farið yfir öll helstu grunnatriði í hnefaleikum: Vörn, fótaburð og hvernig á að kýla rétt. Mikið er lagt upp úr öryggi iðkenda í kennslu hnefaleika.

BOX 201 unglingar

Í þessum tímum eru öll grunnatriði í hnefaleikum tekin skrefi lengra í smáatriðum og bætt við nýjum atriðum til að auka þekkinguna á hnefaleikum til muna. Þeir unglingar sem sækja þessa tíma eru einnig í góðum undirbúning til að keppa í svokölluðu Diplomaboxi en þar eru keppendur dæmdir eftir tæknilegri getu en ekki með það að markmiði að yfirbuga andstæðinginn. Slík reynsla er frábær undirbúningur fyrir keppnisbox í framhaldinu ef áhugi er fyrir því þegar iðkendur hafa náð aldri til þess.

Hafi iðkendur lokið grunnnámskeiðinu Box 101 unglingar geta þeir sótt þessa tíma eða hafa sambærilega reynslu úr hnefaleikum.